Eguesibarko Udalak Sarrigurenen dagoen autokarabana gunea inauguratu du larunbat honetan. Antsoain, Berriozar eta Iruñea herriekin batera martxan jartzen den eskualdeko laugarrena da.
Tximeleta karabanisten elkarteak ere parte hartu du ekitaldian, eta inaugurazioa baino ordu batzuk lehenago urteko batzarra egin dute; besteak beste, Gorraizko helbideratzea aldatzea adostu dute. Patxi Izkue elkarteko presidenteak eta Amaya Larraya (NA+) Ibarreko alkateak hitz egin dute.
Bederatzi plaza eta ura hustu eta betetzeko gune bat dituen eremuak zerbitzua ematen die bai haranera hurbiltzen diren bisitariei, bai udalerrian bizi diren autokarabanista ugariei, zerbitzu-eremua erabili behar badute.
Gune hori eraikita, gorantz doan turismo mota baten aldeko apustua egin du Udalak.
